Ampo Ordizia vs Silverstorm El Salvador atarikoa
Ohorezko Maila Altamirara itzuliko da igande honetan Ampo Ordiziak eta Silverstorm El Salvadorrek jokatuko duten 6. jardunaldia jasotzeko.
Federicoren taldea garaipen beharrean iristen da igandeko partidara. Goierritarrek lau partida jokatu dituzten aurtengo ligan eta bakarra irabazteko aukera izan dute. Pasa den astean Burgosa bidaiatzea egokitu zitzaien ordiziarrei eta ez zitzaien nahi zuten partidarik atera. Igandean erronka zaila izango dute, ligako bigarren sailkatuak bisitatuko baikaitu Altamiran, Silverstorm El Salvadorrek. Ampo Ordiziak ez du oraindik Altamiran garaipenik ezagutzen, eta ziur asteburu honetan bere jarraitzaileen aurrean denboraldiko lehenengoa eskuratu nahiko dutela eta Altamirara gerturatzen diren ikusleei partida on bat eskaini nahiko diela.
Aurkaria, berriz, egoera oso desberdinean iristen da partida honetara. Valladolideko taldeak bost partida jokatu ditu denboraldi honetan eta lau garaipen lortu ditu. Gainera, azkeneko jardunaldian garaipen sendoa lortu zuten Les Abellesen kontra. El Salvador bolada ezin hobean iristen da igandeko partidara, eta garaipenaren bide horri sendo iristeko asmoa izango du.
Igandean bera, partida polit eta lehiatua izango dugu Altamiran Ampo Ordizia eta Silverstorm El Salvadorren arten, eguerdiko 12:00etan.
Asteburuko gainontzeko partidak
23 urtez azpiko taldeak, ere, hitzordu garrantzitsua izango du asteburu honetan, Madrilera bidaiatu beharko baitu Alcobendasen kontra jokatzeko. Ordiziarrek bost partida jokatu dituzte denboraldi honetan eta hiru garaipen lortu dituzte. Iñigok eta Fisak entrenatutako taldea bolada onean iristen da partida honetara eta Larunbatean 16:30etan Madrilgo lurrak konkistatzen saiatu da.
Asteburua 18 urtez azpiko taldeak hasiko du Altamiran Gaztediren aurka jokatuz 11:30etan. Partida hau amaitu ondoren 16 urtez azpiko taldearen txanda izango da eta talde berdinaren aurka neurtuko dituzte indarrak, Gaztediren aurka.
Neska taldeak ere larunbatean jokatuko du Altamiran, arratsaldeko 18:30etan Iruñaren kontra. Eta, amaitzeko, 14 urtez azpiko gazteek topaketa izango dute Astin 10:30etan, bertan izango dira, Rioja, Gaztedi, Zarautz eta Ordizia.
