Ampo Ordizia vs UE Santboiana Atarikoa
Asteburu garrantzitsua dugu aurretik gure bi senior taldeentzat.
Ohorezko Mailako taldeari dagokionez, Ampo Ordiziak denboraldi erregularreko azkeneko partida jokatuko du etxean, Altamiran, Santboianaren kontra. Iñigo Marotias eta Asier Pazosen taldea Burgosen berdinketa estu bat lortzetik datozte, eta seguru denboraldi erregularra garaipen batekin bukatu nahiko dutela, play-off-ei begira sentsazio onak berreskuratzeko.
Une honetan goierritarrak laugarren postuan daude sailkapenean. Jada, play-offetan egongo direla ziurtatu du Ampo Ordiziak, baina garrantzitsua da laugarren postu horretan amaitzea denboraldi erregularra, kasu horretan kantxa faktorea alde izango lukeelako Ordiziak. Hau da, Iñigo Marotias eta Asier Pazosen taldeak garaipena eskuratzen badu igandean, final laurdenak etxean jokatuko lituzke. Galdu ezkero, eta Cienciasek baere partida irabazten badu laugarren postua galduko lukete goierritarrek eta final laurdenak etxetik kanpo jokatu beharko lituzkete.
Igandeko aurkariari dagokionez, Santboianari, kataluindarrak bigarren postuan daude sailkapenean, SilverStorm El Salvador liderrarengandik puntu batera. Ordizari gertatzen zaion moduan, kataluindarrak, ere, garaipena eskuratu nahiko dute denboraldi erregularra ligako talderik onena izanez amaitzeko.
Ampo Ordizia eta UE Santboianaren aurkakoa Altamiran jokatuko da, 12:00etan.
23 urtez azpikoek ere hitzordu garrantzitsua izango dute igande honetan. Valentziara bidaiatu beharko dute gure gazteek ligako finalerdiak jokatzera, Les Abellesen aurka. Pasa den urtean finalera sailkatzea lortu zuten, baina ezin izan zuten titulua Ordiziara ekarri. Aurten, bigarren urtez jarraian, finalerako txartela lortzen saiatuko dira. Lesioen ondorioz taldea bermaturik dago, baina denboraldi guztian zehar soberan erakutsi dute gure gazteek edozeini irabazteko gai direla, eta gainera, igandean irabazi ezkero finalera sailkatuko direla jakinda, ziur taldeak duen guztia emango duela garaipena eskuratzeko. Partida 10:30etan izango da.
Amaitzeko, 14 urtez azpikoek ere norgehiagoka izango dute larunbatean, 10:30retan Txingudiren aurka Altamiran.
