Asteburuko karteldegia
23 urtez azpiko taldearekin hasiz, Moyua Goierrik Valladolideko Pepe Rojo zelaian jokatuko du, 16: 00etan, Silverstorm El Salvador lehen sailkatuaren kontra. Aurreko astean Altamiran VRAC garaitzetik datoz gureak, eta multzoko bigarren postuan daude, lehenengoa den El Salvadorrengandik lau puntura. Beraz, garaipen batek lehen postuan egotea ekar liezaieke, betiere El Salvadorrek punturik lortzen ez badu. Finalerdi usaineko partida, joanekoan, Ordizian, gipuzkoarren garaipenarekin amaitu zena.
Honez gain, partida gehiago ere baditugu asteburu honetan. 16 urtez azpikoek euskal ligako partida jokatuko dute Hernaniren aurka Altamiran larunbat honetan ere, 13: 30tan, eta 14 urtez azpikoek Arrasateren aurka jokatuko dute Mojategin 11: 00etan.
Igandean 10: 30etatik aurrera, eskola jardunaldia Irungo Plaiaundin. 10 urtez azpikoek eta 12 urtez azpikoek parte hartzen dute bertan, eta gureez gain, Zarautz, Eibar eta Txingudi ere bertan izango dira.
