Kaixo adiskide! Dakizuen bezala, aurten erronka handia abiatu dugu Gabonetako saskiarekin. Garai zail hauei aurre egiteko indartzea baino ez dago.
Aurtengo saria berezia izango da. Ohiko Gabonetako produktuez gain, Goierriko jatetxeetan otorduak (Tximista, Mutiloa, Zezilioenea, Kuko…), Arzaken eta Roberto Ruizen ostatuetan bazkariak, Aviron eta GBC ikusteko urteko bonoak, Errealaren eta Bidasoaren kamiseta sinatuta, urpeko ikastaroa eta beste hainbat sari, 6.000 euroko saskia osatu arte.
Saskia bazter guztietan ikusgarri izan dadin, errifa hauek saltzera gonbidatu nahi zaituztegu, zuen lantegietan, lagunartean, familian… guztion laguntzarekin txoko guztietara heltzeko.
Talonarioa saltzen duenak klubeko poloa izango du opari, Ordizia Rugby marka berriarekin.
Interesa duzuenok bidali e-posta mezua info@ordiziarugby.eus helbidera edo 610 101 525 zenbakira eta zuekin harremanetan jarriko gara.
Bakarrik, gutxi. Elkarrekin, dena.
