La Vila vs Ampo Ordizia atarikoa
Ampo Ordiziak azken sailkatuaren etxea bisitatuko du igande honetan. Ordiziarrek La Vilaren aurka neurtuko dituzte indarrak El pantano errugbi zelaian.
Garaipen beharrean daude Federicoren mutilak. Urte hasiera, emaitzei dagokionean, ez da ona izaten ari goierritarrentzat. Sailkapenean bederatzigarren postuan daude lau garaipen eta sei porroteko balantzearekin. Egia da, zelaian ikusten ari garena ez dela emaitzetan bilakatzen ari. Azken asteburuan, adibidez, Ampo Ordiziak partida bikaina egin zuen pasa den urteko liga irabazlearen aurka. Azken unera arte garaipena eskuratzeko borrokan aritu ziren, baina, azken momentuan, garaipenak eskuetatik ihes egin zien.
Taldea forma onean dago eta geroz eta joko hobeagoa egiten ari da, baina, garbi dago, garaipenak eskuratu beharrean dagoela Ampo Ordizia, eta asteburu honetakoa aukera paregabea izan daiteke. Bidaia luzea egokitzen zaio Goierriko taldeari, Villajoyosara bidaitu beharko baitute. Etxetik kanpo jokatuko duten hirugarren partida izango da ordiziarrentzat, Sevilla, Bartzelona eta Valentzia Hurrenez hurren.
Esan bezala, aurkaria, La Vila, sailkapenen azken postuan dagoen taldea da. Ez du garaipenik ezagutzen denboraldi honetan eta ziur igandean denboraldiko lehenengoa lortzen saiatuko direla. Denboraldi zaila izaten ari da Valentziarrentzat. Urrutira joan gabe, pasa den astean galdu egin zuten azken aurreko postuan dagoen taldearen aurka, Gernikaren aurka.
Igandean 12:00etan jokatuko da partida. Garaipen
Asteburuko gainontzeko partidak
Partida gutxi izango ditugu asteburu honetan. Ampo Ordiziaz gain, 18 urtez azpiko taldeak soilik jokatuko du, larunbatean 11:15etan Altamiran, Elorrioren kontra. Partidaren aurretik Etorrugbi ekitaldia ospatuko da.
