LEXUS ALCOBENDAS vs AMPO ORDIZIA ATARIKOA
Ampo Ordizia Madrileko lurretara joango da igande honetan eguerdiko 12: 30etan Las Terrazas zelaian Lexus Alcobendasen aurka jokatzeko. Talde madrildarra laugarren postuan dago sailkapenean 20 punturekin eta ordiziarrak bosgarren postuan daude puntu bat gutxiagorekin.
Madrildarra titulu guztiak irabazteko egindako taldea da, eta orain arte mundu guztiak espero zuen maila eman ez badu ere, hautagai argia da sailkapeneko postu nobleak betetzeko.
Tiki Inchaustik zuzentzen dituen jokalarien artean, Agustin Schab, Matias Cabrera, iazko entsegu gehien lortu zuen errugbilaria, Mauro Perotti mele erdilaria eta Xabier Martin harrobiko jokalari ordiziarra nabarmentzen dira. Azken hau Madrilgo hiru laurdenetako txandakatzeen parte da eta seven talde nazionalak deitu du.
Igandeko partida larunbatean lehoien XV.ak Herbehereetako lurretan jokatuko duen norgehiagokak markatuko du; izan ere, partida horretarako 4 jokalari madrildar eta Ampo Ordiziako bi jokalari deitu dituzte, bigarren lerroa Kawa Leauma eta Julen Goia kapitaina. Ostegunera arte itxaron beharko da Santi Santos hautatzailearen 23 jokalarien behin betiko zerrendaren zain; beraz, deialdian ez dauden jokalariak Las Terrazas zelaian jokatu ahal izango dute. (Julen Goiak ligako partida jokatuko du, baina Kawa Leaumak Espainiako Selekzioaren deialdian sartu da, eta ezin izango du Alcobendasen aurka jokatu)
23 urtez azpiko taldeari dagokionez, larunbatean, arratsaldeko 4etan, Altamiran, Moyua Goierriren eta Valladolideko Silverstorm El Salvadorren artean maila handiko partidoa ikusteko aukera edukiko dugu. Talde gaztelarrak 20 punturekin, puntu bat ateratzen die Xabi Rodriguezek zuzentzen dituenei, beraz, irabazten duen taldeak ihes egingo du sailkapenean. Klubak argi izan arren lehentasuna jokalarien prestakuntzak duela, eta ez sailkapenak, ziur garaipenaren alde borrokatuko dela.
Harrobiak Gaur Logística Ordiziako Sub18 taldeak Atletico San Sebastian Hernani hartuko du igandean Altamiran eguerdiko 12etan, eta Labelan Ordiziako Sub16 taldeak Vithas Gaztedi hartuko du igandean bertan, 10: 30ean.
Orkli Ordiziako 14 urtez azpikoak Gaztedi hartuko du larunbatean Altamiran, 13: 30ean.
